ಉರಿ ದಾಳಿಗೆ ಪ್ರತೀಕಾರವಾಗಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದೊಳಗೆ ನುಗ್ಗಿ 20 ಕ್ಕೂ ಅಧಿಕ ಉಗ್ರರ ಸದೆಬಡಿದ ವೀರ ಭಾರತೀಯ ಸೇನೆ.

ಜಮ್ಮು ಕಾಶ್ಮೀರ : ಉರಿಯಲ್ಲಿ ಭಾರತೀಯ ಸೇನೆಯ ಮೇಲಿನ ಆಕ್ರಮಣಕ್ಕೆ ಪ್ರತೀಕಾರವಾಗಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರಕ್ಕೆ ಧೈರ್ಯದಿಂದ ನುಗ್ಗಿ 20 ಕ್ಕೂ ಅಧಿಕ ಪಾಕಿಸ್ತಾನಿ ಉಗ್ರರನ್ನು ಸದೆಬಡಿದ ಭಾರತೀಯ ಸೇನೆ.

ಸೇನೆಯ ಎರಡು ತುಕಡಿಗಳ ಒಟ್ಟು 20 ಭಾರತೀಯ ಸೈನಿಕರು ಉರಿ ಸೆಕ್ಟರ್ ನಲ್ಲಿ ಸೇನಾ ಹೆಲಿಕಾಪ್ಟರ್ ಮೂಲಕ ಗಡಿ ದಾಟಿ ಈ ಕಾರ್ಯಾಚರಣೆ ಮಾಡಿದ್ದು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿರುವ ಉಗ್ರರ ಮೂರು ನೆಲೆಗಳನ್ನು ನಾಶ ಮಾಡುವ ಮೂಲಕ 20 ಕ್ಕೂ ಅಧಿಕ ಉಗ್ರರನ್ನು ಕೊಲ್ಲಲಾಗಿದೆ ಹಾಗೂ ಗಾಯಗೊಂಡವರ ಸಂಖ್ಯೆ 200 ದಾಟಿರಬಹುದು ಎಂದು ಅಂದಾಜಿಸಲಾಗಿದೆ.

ಈ ಕಾರ್ಯಾಚರಣೆಗೆ ಭಾರತೀಯ ಸೇನೆಯ ಹೆಲಿಕಾಪ್ಟರ್ ಬಳಸಿದ್ದನ್ನು ಸ್ವತಃ ಸೇನೆಯ ಮೂಲಗಳೇ ಖಚಿತ ಪಡಿಸಿದೆ ಎಂದು ಖಾಸಗಿ ವೆಬ್ ಸೈಟ್ ಒಂದು ವರದಿ ಮಾಡಿದೆ. ಈ ಕಾರ್ಯಾಚರಣೆ ನಂತರ ಪಾಕಿಸ್ತಾನ ಪಿಓಕೆ ಯ ಗಿಲ್ಗಿಟ್-ಬಲ್ಟಿಸ್ತಾನ ಹಾಗೂ ಕೈಬರ್ ಬಳಿ ಎಲ್ಲಾ ವಿಮಾನ ಹಾರಾಟಗಳನ್ನು ಸ್ಥಗಿತಗೊಳಿಸಿದೆ.20 ಸೆಪ್ಟೆಂಬರ್ ಹಾಗೂ 21 ಸೆಪ್ಟೆಂಬರ್ ನ ಮಧ್ಯೆ ಭಾರತೀಯ ಸೇನೆ ಈ ದಾಳಿ ಮಾಡಿದೆ.ಆದರೆ ಈ ವರದಿ ಬಗ್ಗೆ ಭಾರತೀಯ ಸೇನೆಯಿಂದ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. 

Source – Quint